Qazaqstanda qaı sala mamandarynyń tabysy bárinen kóp

<p>ASTANA.KAZINFORM — Bir jyl ishinde ortasha jalaqynyń eń joǵary ósimi aqparat jáne baılanys salasynda tirkeldi — 40,1%-ǵa jetip, 715 244 teńge boldy. Bul týraly ulttyq statıstıka bıýrosyna silteme jasap <a href="https://www.inform.kz/ru/v-kakih-otraslyah-samie-bolshie-zarplati-v-kazahstane-8ace48" target="_blank" rel="noopener">Kazinform</a> habarlaıdy.</p>

Qazaqstanda ortasha jalaqy ósimi ótken jyldyń ekinshi toqsanymen salystyrǵanda 14,4%-dy qurap, ortasha jalaqy 383 365 teńgege jetti.

Jalaqy 40 paıyzǵa óskenine qaramastan, aqparat jáne baılanys salasynyń qyzmetkerleri jalaqy deńgeıi boıynsha úshinshi orynda.

Birinshi orynda qarjy jáne saqtandyrý qyzmeti (800 690 teńge) jáne taý-ken ónerkásibi (757 956 teńge) jumysshylary.

Aýyl, orman jáne balyq sharýashylyǵy salasynyń qyzmetkerleri eń tómen jalaqy– 235 153 teńge, sondaı-aq ornalastyrý jáne tamaqtandyrý salasynyń qyzmetkerleri — 239 181 teńge alady.

Ekonomıkalyq belsendilik turǵysynan ortasha jalaqy jáne onyń bir jyldyq ósimi:

• Qarjy jáne saqtandyrý qyzmeti — 800 690 (+40,1%)
• Taý-ken ónerkásibi jáne karerlerdi qazý — 757 956 (+24,7%)
• Aqparat jáne baılanys — 715 244 (+24,6%)
• Kásibı, ǵylymı jáne tehnıkalyq qyzmet — 492 349 (+23,6%)
• Ónerkásip — 474 764 (+23,3%)
• Kólik jáne qoımalaý — 456 855 (+22,1%)
• Óńdeý ónerkásibi — 394 157 (+20,9%)
• Qurylys — 391 769 (+20,1%)
• Elektr, gaz, bý, ystyq sý jáne aýany baptaýmen qamtamasyz etý — 375 901 (+17,4%)
• Bilim salasy– 346 635 (+15,5%)
• Kóterme jáne bólshek saýda; avtomobılder men mototsıklderdi jóndeý — 342 367 (+15,1%)
• Memlekettik basqarý jáne qorǵanys; mindetti áleýmettik qamsyzdandyrý — 316 644 (+14,1%)
• Densaýlyq saqtaý jáne áleýmettik qyzmetter — 315 034 (+13,5%)
• Ákimshilik jáne qosalqy qyzmet kórsetý qyzmeti — 295 998 (+13,2%)
• Basqa qyzmet túrlerin kórsetý — 290 465 (+12,0%)
• Jyljymaıtyn múlik operatsııalary — 266 971 (+7,2%)
• Óner, oıyn-saýyq jáne demalys — 256 419 (+6,5%)
• Sýmen qamtamasyz etý; qaldyqtardy jınaý, óńdeý jáne kádege jaratý, lastanýdy joıý — 246 181 (+5,6%)
• Turǵyn úı jáne tamaqtandyrý qyzmetterimen qamtamasyz etý — 239 181 (+5,2%)
• Aýyl, orman jáne balyq sharýashylyǵy — 235 153 (+3,3%)

Esterińizge sala keteıik, Qazaqstan Numbeo reıtınginde ortasha aılyq jalaqysy 582 AQSh dollary — shamamen 279 myń teńgeni quraıtyn jalaqy reıtıngisinde 67-oryndy ıelendi.

Qazaqstanda eń tómengi jalaqy 2029 jylǵa deıin 85 myń teńge kóleminde saqtalady. Bul týraly Qazaqstannyń 2025-2029 jyldarǵa arnalǵan áleýmettik-ekonomıkalyq damý boljamynda aıtylǵan.

Boljam boıynsha, qazaqstandyqtardyń ortasha aılyq jalaqysynyń deńgeıi ósedi, biraq Qazaqstandaǵy eń tómengi jalaqy 85 myń teńge deńgeıinde qalady.