Qazaqstanda qaı salalarǵa ınvestıtsııa kóbirek salynady

NUR-SULTAN. QazAqparat – Qazaqstanda qurylys salasyna salynǵan ınvestıtsııalar 2,2 esege artty. Bul týraly QR Ulttyq ekonomıka mınıstri Áset Erǵalıev aıtty, dep habarlaıdy QazAqparat.

«Іshki jáne syrtqy ınvestıtsııalardy tartý ekonomıkalyq ósýdiń mańyzdy faktory bolyp qalyp otyr. Bul rette óndirýshi emes salalar ınvestıtsııalar boıynsha tartymdy baǵyt bolyp saqtalýda. Bıylǵy 10 aıda negizgi kapıtalǵa ınvestıtsııalardyń ósý qarqyny 2,5%-dy, onyń ishinde taý-ken óndirý ónerkásibin esepke almaǵanda ınvestıtsııalardyń ósý qarqyny 14%-dy qurady», - dedi mınıstr Úkimettiń búgingi otyrysynda.

Onyń aıtýynsha, ınvestıtsııalar, qurylys salasynda – 2,2 esege, óńdeý ónerkásibinde – 78,6%-ǵa, aýyl sharýashylyǵynda – 41,9%-ǵa, saýdada – 31,4%-ǵa, jyljymaıtyn múlikpen operatsııalar salasynda – 17,4%-ǵa jáne qarjy salasynda – 12,1%-ǵa ósti.

Óńirler arasynda eń joǵarǵy kórsetkish Shymkent, Almaty qalalarynda jáne Aqtóbe, Pavlodar oblystarynda baıqalýda.

Buǵan deıin mınıstr bıylǵy 10 aıdaǵy elimizdiń ekonomıkalyq damýyn baıandaǵan edi.