Qazaqstanda qaı eldiń azamattary jeke kásibin asha alady

NUR-SULTAN. QazAqparat – Qazaqstan aýmaǵynda 5 shet memlekettiń azamattaryna jeke kásibin ashýǵa ruqsat etilgen. Bul týraly Memlekettik kirister komıtetiniń Memlekettik qyzmet kórsetý basqarmasynyń bas sarapshysy Sanııa Muhametjanova aıtty, dep habarlaıdy QazAqparat tilshisi.

«Bizdiń elimizde Reseı, Qyrǵyzstan, Tájikstan, Belarýs jáne Armenııa elderiniń rezıdentteri jeke kásibin asha alady. Olarǵa kásipker retinde tirkelýge ruqsat etilgen. Degenmen osy atalǵan 5 eldiń azamattary Qazaqstanda turýǵa ruqsat alǵanyn rastaýy qajet. Bul memleketterden basqa elderdiń rezıdentteri Qazaqstanda jeke kásipker retinde tirkele almaıdy», - dep atap ótti Sanııa Muhametjanova.

Eske sala ketsek, bul ýaqytqa deıin Memlekettik kirister komıteti taýarlardy qadaǵalaýǵa baǵyttalǵan pılottyq jobanyń qalaı iske asyp jatqanyn baıandaǵan bolatyn.