Qazaqstanda qatty qaldyqtardy qaıta óńdeıtin 37 zaýyt salynady

<p>ASTANA. KAZINFORM &ndash; Jańadan salynatyn qaldyqtardy óńdeý zaýyttary týraly Ekologııa jáne tabıǵı resýrstar vıtse-mınıstri Jomart Álıev aıtyp berdi.</p>

«Qatty turmystyq qaldyqtardy qaıta óńdeý zaýyttaryn salýǵa jáne jańǵyrtýǵa 200 mlrd teńge bólinedi. Búginde 94 joba pýly tańdaldy, onyń 37-si jańa zaýyttar. Elimizde qatty turmystyq qaldyqtardy óńdeý máselesi ótkir tur. Qazir biz joǵaryda atalǵan jobalar pýlyn jergilikti atqarýshy organdarmen kelisemiz. Óıtkeni jergilikti organ óńirde qansha qaldyq shyǵarylatynyn biledi. Keıbir óńirlerde bireý, keıbirine 2-3 zaýyt salý qajet», - dedi Jomart Álıev qaıtalama shıkizatty qaıta óńdeý máselelerine arnalǵan konferentsııada. 

Onyń aıtýynsha, jańa zaýyttarda áınek, plastıkter, metaldar, elektr qurylǵylary jáne taǵy basqa qatty turmystyq qaldyqtar qaıta óńdeledi. 

Jańa zaýyttardy salýǵa beriletin zaım sharttary:

- paıyzdyq mólsherleme-jyldyq 3%; 
- nesıeleý merzimi - 3 jyldan 15 jylǵa deıin;
- jobaǵa qatysýshylarǵa zaýytty salý nemese jańǵyrtý ýaqytyna kredıttik demalys beriledi;
- qajetti somanyń 20% jobaǵa qatysýshysy ınvestıtsııalaıdy.