Qazaqstanda kásipkerler úshin elektr energııasyna tarıfter tómendetildi

<p>ASTANA. KAZINFORM &mdash; Qazaqstanda bıznes sýbektileri úshin elektr energııasyna tarıfter tómendetildi. 1 sáýirden bastap únemdeý 1,7 mlrd teńgeni qurady. Bul týraly Úkimettiń baspasóz qyzmeti málimdedi.</p>

Tarıfti tómendetý QR UEM Tabıǵı monopolııalardy retteý komıtetiniń aýmaqtyq departamentteri jaqynda (2024 jylǵy 1 sáýirden bastap) elektr energııasymen jabdyqtaý qyzmetterine rettelmeıtin energııamen jabdyqtaýshy uıymdardyń lıtsenzııalarynyń qoldanylýyn toqtata turǵannan keıin múmkin boldy.

«Búginde tutynýshylardyń kepildik berip jetkizýshilerge kóshý protsesi júrip jatyr. Bul kepildik berip jetkizýshi kórsetetin qyzmetter kóleminiń ulǵaıýyna, sáıkesinshe elimizdiń 13 óńirinde tarıfterdiń tómendeýine yqpal etti», — delingen habarlamada.

Jalpy, atqarylǵan is-sharalardyń arqasynda 129 060 shaǵyn jáne orta bıznes sýbektileriniń únemdeýi aıyna 1,7 mlrd teńgeden astam somany qurady.

«Óńirlerdegi tarıfterdiń aıyrmashylyǵy elektrmen jabdyqtaýdaǵy ártúrli shemanyń bolýymen jáne Biryńǵaı satyp alýshynyń satý baǵasy men satyp alynǵan elektr energııasyna, elektr qýatynyń júktemeni kóterýge daıyndyǵyna, energııa berýshi jáne ótkizý uıymdarynyń tarıfterine, jetkiziletin elektr energııasynyń kólemine jáne basqa da tarıf qurylymyna baılanysty túsindiriledi», — dep habarlady Úkimettiń baspasóz qyzmeti. 

Tutynýshylarǵa arnalǵan tarıfterdiń deńgeıi de dıfferentsıatsııaǵa baılanysty. Bul rette, elimizdiń óńirlerindegi turǵyndar úshin tarıfter deńgeıi ózindik qunnan tómen bolyp belgilendi.

Jalpy, júrgizilgen jumystyń nátıjeleri ShOB sýbektilerin kommýnaldyq qyzmetterge aqy tóleý kezinde qoldaýǵa múmkindik beredi. Bul shaǵyn jáne orta bıznes sýbektileriniń taýarlar men qyzmetterdi ótkizý kezindegi shyǵyndaryn tómendetýde halyqqa janama oń áserin tıgizdi.

Anyqtama:

• 2024 jylǵy 1 mamyrdan bastap Almaty qalasy men Almaty oblysynda — 1,2%-ǵa «Almatyenergosbyt» JShS;
• 2024 jylǵy 1 mamyrdan bastap Túrkistan oblysy men Shymkent qalasynda — 12,4%-ǵa «Energopotok» JShS;
• 2024 jylǵy 5 mamyrdan bastap Qaraǵandy oblysynda — 14,55%-ǵa «KaragandaJylýSbyt» JShS;
• 2024 jylǵy 1 maýsymnan bastap Astana qalasynda — 18%-ǵa «Astanaenergosbyt» JShS;
• 2024 jylǵy 1 maýsymnan bastap Aqmola oblysynda — 4,6%-ǵa «AREK-Energosbyt» JShS;
• 2024 jylǵy 1 maýsymnan bastap Qaraǵandy oblysynda — 10%-ǵa «Energoýgol HHІ» JShS;
• 2024 jylǵy 1 maýsymnan bastap Qaraǵandy oblysynda — 10%-ǵa «Raschetnyı servısnyı tsentr» JShS;
• 2024 jylǵy 1 maýsymnan bastap Soltústik Qazaqstan oblysynda — 7,14%-ǵa «SevKazEnergosbyt» JShS;
• 2024 jylǵy 1 maýsymnan bastap Jetisý oblysynda — 16,2%-ǵa «JetysýEnergoTreıd» JShS;
• 2024 jylǵy 1 maýsymnan bastap Aqtóbe oblysynda — 4,5%-ǵa «Aktobeenergosnab» JShS;
• 2024 jylǵy 1 maýsymnan bastap Pavlodar oblysynda — 5,1%-ǵa «Ekıbastýzenergo» JShS;
• 2024 jylǵy 10 maýsymnan bastap Qostanaı oblysynda — 17%-ǵa «Rýdnenskaıa Energo Kompanııa» JShS;
• 2024 jylǵy 1 shildeden bastap Qostanaı oblysynda — 5%-ǵa «Kostanaıskıı EnergoTsentr» JShS.