Qazaqstanda kásipkerlerge arnalǵan mobıldi qosymsha paıda bolady

NUR-SULTAN. QazAqparat - Úkimette kásipkerlik qyzmetti jeńildetýge, sonyń ishinde jeke kásip ashýǵa jáne jabýǵa, salyqtardy esepteý men tóleýge, salyq eseptiligin toltyrýǵa arnalǵan elektrondy e-Salyq-Business mobıldi qosymshasynyń tanystyrylymy ótti, dep habarlaıdy QazAqparat primeminister.kz-ke silteme jasap.

Premer-Mınıstrdiń birinshi orynbasary Álıhan Smaıylovtyń tóraǵalyǵymen ótken keńes «e-Salyq-Business mobıldi qosymshasyn engizý» taqyrybyna arnaldy.

Mobıldi qosymsha onlaın rejımde jeke kásipker retinde tirkelýge, salyq rejımin tańdaýǵa nemese ózgertýge, chek berýge, salyq eseptiligin qalyptastyrýǵa/jiberýge, salyq tóleýge, habarlama/anyqtama alýǵa, tólemderdi basqarýǵa jáne memlekettik kirister organdarynan belgili bir qyzmetterdi alýǵa múmkindik beredi.

Ázirleýshiler salyqtar men áleýmettik tólemderdi esepteýdi, salyq eseptiligin toltyrý men usynýdy, kirister men salyqtardyń esebin júrgizýdi avtomattandyrdy.

«E-Salyq-Business»-ty pılottyq túrde iske qosý osy jyldyń shilde aıyna josparlanǵan. Birinshi kezeńde qoldanýshylar sany shamamen 100 myń adamdy quraıdy dep kútilýde.

Á. Smaıylov adamdardyń kásipkerlikpen aınalysýy úshin qolaıly jaǵdaı jasaýdyń mańyzdylyǵyn, onyń ishinde salyq mindettemelerin oryndaý meıilinshe jeńildetý qajet ekenin atap ótti. Premer-Mınıstrdiń birinshi orynbasary atalǵan baǵyttaǵy jumysty kúsheıtýdi tapsyrdy.