Qazaqstanda kartop, qaraqumyq, sábiz jáne jumyrtqa arzandady

NUR-SULTAN. QazAqparat - Qazaqstanda 2019 jyldyń naýryzynda aýyl sharýashylyǵy ónimderiniń baǵasy 2018 jyldyń jeltoqsanymen salystyrǵanda 4,9%, bıylǵy qańtar-naýryz aılarynda ótken jyldyń osy kezeńimen salystyrǵanda 11,2% ósti, dep habarlaıdy «QazAqparat» QR Ulttyq ekonomıka mınıstrliginiń Statıstıka komıtetine silteme jasap.

Bıyl naýryz aıynda mal sharýashylyǵy ónimderiniń baǵasy byltyrǵy jeltoqsanmen salystyrǵanda 1,2%, ósimdikterden alynǵan ónimder 6,3%, 2019 jyldyń birinshi toqsanynda byltyrǵy birinshi toqsanǵa qaraǵanda 5,8% jáne 13,8% ósken.

Jyl basynan beri qaraqumyq baǵasy 3,3 % arzandap, bıdaıdyń baǵasy - 10,8%, arpa - 4,5%, suly men kúrish júgeri 0,7%, qara bıdaı 0,5%, júgeri 0,2% qymbattaǵan.

Kartop 3%, sábiz 1,4% arzandady, qııar 22,6%, qyzanaq 8,8%, qyzylsha 6,2%, pııaz 2,8%, qyryqqabat 3,2% qymbattaǵan. Sondaı-aq kúnbaǵys dáni 12,6%, keptirilgen burshaq 2,5%, keptirilgen jasymyq 1,1% qymbattaǵan.

Jylqy eti 2,6%, sıyr eti 1,5%, qoı eti 1,3%, qus eti 0,9%, shoshqa eti 0,8% qymbattaǵan. Shıki súttiń baǵasy 2,3%, qoı júni 0,5%, bal 0,1% ósip, taýyq jumyrtqasy 1,5% arzandaǵan.