Qazaqstanda karantın talaptary eń kóp buzylatyn óńirler anyqtaldy

NUR-SULTAN. QazAqparat - Qazaqstanda karantın talaptarynyń saqtalý barysyna monıtorıng jumystary jalǵasýda, dep habarlaıdy QazAqparat QR QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap.

Ondaǵy málimetterge qaraǵanda, 2021 jylǵy 1 qańtary men 5 mamyry aralyǵynda jumysshy top 76 995 reıd júrgizip, 481 280 nysan tekserildi. Nátıjesinde 14 198 (2,9%) zańbuzýshylyq anyqtaldy.

Karantın talaptaryn buzý áreketteriniń basym kópshiligi Túrkistan (2 198), Almaty (1 996), Shymkent (1 596) qalalary men Almaty oblysy (955) jáne⠀ Shyǵys Qazaqstan (3 538) oblysynda tirkeldi.

Monıtorıng barysynda anyqtalatyn negizgi zańbuzýshylyqtar: karantın kezinde qyzmetine tyıym salynǵan obektilerdiń jumys isteýi, shekteý rejımin saqtamaý, shamadan tys adam jınaı otyryp, buqaralyq is-sharalar ótkizý bolyp tabylady.

Sanıtarııalyq-epıdemıologııalyq talaptardy buzýshylyqtardy anyqtaý boıynsha monıtorıngtik toptar 2 502 jospardan tys tekserý júrgizip, 2 292 nusqama berdi, 268 materıal sotqa joldandy, 70 obektiniń qyzmeti toqtatyldy.

Nátıjesinde 8 147 kásipkerlik nysan men 6 371 jeke tulǵaǵa ákimshilik hattama toltyrylyp, 1,114 mlrd teńgeden astam aıyppul salyndy.

Aıta ketý kerek, azamattardyń basym kópshiligine qoǵamdyq oryndarda maska rejımin buzǵany úshin aıyppul salynǵan.