Qazaqstanda qaraqumyq óndirisi 30 paıyzǵa ósti

ASTANA. QazAqparat - 2022 jyldyń qańtar-qarasha aılarynda iri tartylǵan qaraqumyq uny men jarmasy óndirisiniń kólemi 2021 jyldyń sáıkes kezeńimen salystyrǵanda 30,2% ósti. Osy ýaqyt ishinde qazaqstandyq kásiporyndar 36 myń tonna ónim shyǵardy, dep habarlaıdy QazAqparat ulttyq statbıýroǵa silteme jasap.

Alaıda eksport birden 10%-ǵa tómendedi.

Ótken jyldyń 11 aıynda eksportqa tek 7,3 myń tonna qaraqumyq ónimi jiberildi, al 2021 jyly 8,1 myń tonna eksporttalǵan.

Al ımport óz kezeginde 2,5 ese óskenin kórsetti.

Eger 2021 jyly 1,8 myń tonna qaraqumyq uny men jarmasy ımporttalsa, 2022 jyly 4,7 myń tonnadan astam ónim ımporttaldy.

Syrttan ákelinetin ónimniń úles salmaǵy – 11,7%.

2022 jyldyń 11 aıynyń qorytyndysy boıynsha ishki naryqta 33,4 myń tonna qaraqumyq jarmasy men iri tartylǵan uny satyldy.