Qazaqstanda qańtardan keıin tórt túlikten aýsyl tabylǵan joq - AShM

NUR-SULTAN. QazAqparat - Aqmola jáne Pavlodar oblystarynda úı janýarlaryna jasalǵan zertteý kezinde paragrıpp-3, nodýlıarlyq dermatıt, kontagıozdy plevropnevmonııa, pasterellez, vırýstyq dıareıa jáne aýsyl sııaqty aýrýlar tabylǵan joq, dep habarlaıdy QazAqparat.

QR Aýyl sharýashylyǵy mınıstrliginiń veterınarııa boıynsha ulttyq referenttik ortalyǵy 14 qańtarda Qaraǵandy oblysynda aýsyl oshaǵyn tirkedi.

Kóp uzamaı Shet aýdany Kıikti aýyldyq okrýgi ákiminiń sheshimimen sharýa qojalyǵyna karantın qoıylyp, baılanysta bolǵan búkil janýardyń kózi joıyldy, sondaı-aq dezınfektsııa júrgizildi.

Sonymen qatar, Veterınarııalyq baqylaý jáne qadaǵalaý komıteti janýarlardyń densaýlyǵyn qorǵaý jónindegi dúnıejúzilik uıymǵa aýsyl týraly dereý habarlady.

Osyǵan baılanysty atalmysh uıym vaktsınatsııasyz aýsyl boıynsha salaýattylyq mártebesin toqtatty.

Al ımporttaýshy elder (Reseı, Qytaı, Belorýssııa jáne basqa) Qazaqstannan tiri janýarlardy, janýarlardan alynatyn ónimder men shıkizatty eksporttaýǵa qatysty shekteý sharalaryn engizdi.

Bul qazaqstandyq eksporttaýshylardyń múdde qoldaýynyń (lobbı) joqtyǵyn kórsetti.

Sonymen qatar, Aýyl sharýashylyǵy mınıstrligi jergilikti atqarýshy organdardyń veterınarııa qyzmeti aýyl sharýashylyǵy qurylymdarynyń veterınar dárigerlerimen birlesip, aýsyl boıynsha jaǵdaıdy turaqtandyrý jumysyn júrgizdi.

Reseıdiń veterınarlyq jáne fıtosanıtarlyq qadaǵalaý jónindegi federaldyq qyzmetiniń hattaryna sáıkes bıyl sáýir aıynan bastap Qazaqstan aýmaǵynan taǵamdyq kollagen óndirý úshin ІQM terilerin ákelýge ruqsat etildi.

Sonymen qatar, Veterınarlyq baqylaý jáne qadaǵalaý komıteti epızootııalyq saýlyqty saqtaý úshin Qazaqstannyń ortalyq aımaǵynda tórt túlikti vaktsınalaý týraly sheshim qabyldady.

Bul týraly Dúnıejúzilik janýarlar densaýlyǵyn qorǵaý uıymy habarlady.

Aıta ketý kerek, mal aýrýyna kúdik týyndaǵan ár jaǵdaıda veterınarlyq qyzmetter akkredıttelgen zerthanada zertteletin bıologııalyq materıaldyń synamasyn alady.

Aqmola jáne Pavlodar oblystarynan kelgen aýrý janýarlardy zerthanalyq zertteý nátıjesine sáıkes ınfektsııalyq rınotraheıt ornatyldy.

Shekteý sharalary engizilip, qazir qajetti jumys júrgizilip jatyr.

Zertteý nátıjesinde paragrıpp-3, nodýlıarlyq dermatıt, aýsyl, kontagıozdy plevropnevmonııa, pasterellez jáne vırýstyq dıareıa sııaqty aýrýlar anyqtalmady.

Jalpy, elimizde aýsyl boıynsha epızootııalyq jaǵdaı turaqty.