Qazaqstanda qańtarda munaı óndirý 7,3% artqan

ASTANA. QazAqparat - Qazaqstanda munaı óndirý 2019 jyldyń qańtarynda 6,923 mln tonnany qurady, bul 2018 jyldyń osy kezeńimen salystyrǵanda 7,3 paıyzǵa kóp, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Eseptik kezeńde gaz kondensaty 1,081 mln tonna (byltyrǵydan 5,2 paıyzǵa az), tabıǵı gaz - 5,094 mlrd tekshe metr (+6,3 paıyz), kómir - 10,104 mln tonna (+4 paıyz) bolǵan.

Sondaı-aq, temir rýdalary - 3,285 mln tonna (+3%), jez rýdalary - 8,211 mln tonna (+11,6%), quramynda altyny bar rýdalar 1,715 mln tonna (+32%), hrom qospasy - 381 myń tonna (+10,8%) kóleminde óndirildi.