Qazaqstanda qańtar-mamyrda ónerkásip óndirisi 2% ósti

NUR-SULTAN. QazAqparat - Qazaqstanda 2019 jyldyń qańtar-mamyr aılarynda ónerkásiptik óndiris kólemi 2018 jyldyń sáıkes kezeńimen salystyrǵanda 2% -ǵa artty,dep habarlaıdy «QazAqparat» HAA QR Ulttyq ekonomıka mınıstrliginiń Statıstıka komıtetine silteme jasap.

Esepti kezeńde ken óndirý ónerkásibi men karerlerdi qazý óndirisi 0,7%, óńdeý ónerkásibinde - 3,6%, elektr qýaty, gazben, bý berý jáne aýa baptaýda - 1,3% -ǵa ósti. Sýmen jabdyqtaý, káriz júıesi jáne qaldyqtardy jınaýda kórsetkish 10,1% -ǵa artty.

Aǵymdaǵy jyldyń qańtar-mamyr aılarynda metall kenderin óndirý ulǵaıdy. Azyq-túlik ónimderi, sýsyndar, munaı óńdeý, rázińke jáne plastmassa ónimderi men mashına jasaý óndirisi artty. Temeki men qara metallýrgııa óndirisi tómendedi.

Atap aıtqanda, 2019 jyldyń qańtar-mamyr aılarynda munaı kondensatyn qosa alǵanda, munaı óndirý kólemi 36,5 mln. tonnany qurady (2018 jyldyń qańtar-mamyrymen salystyrǵanda 3,2% -ǵa), mys kenderi - 46,7 mln. tonna (+ 12,8%). Benzınniń kólemi 1,6 mln. tonnany (+ 12,6%), gaz - 2 mln. tonnany (+ 13,1%) qurady.

Ónerkásip óndirisiniń artýy elimizdiń 11 óńirinde baıqaldy.