Qazaqstanda qant baǵasy bir jylda 70 paıyzǵa qymbattaǵan

ASTANA. QazAqparat - Qarasha aıynda aılyq ınflıatsııa qazanmen salystyrǵanda 0,2 paıyzdyq tarmaqqa tómendep, 1,4% qurady. Qazanǵa qaraǵanda ótken aıda azyq-túlik taýarlary 1,8%-ǵa, azyq-túlikke jatpaıtyn taýarlar 1,6%-ǵa, al aqyly qyzmetter 0,8%-ǵa qymbattady, dep habarlaıdy QazAqparat.

Ulttyq statıstıka bıýrosynyń málimetinshe, azyq-túlik taýarlarynyń ishinde qııar – 41,5%, qyzanaq – 26,1%, jumyrtqa – 6,7%, pııaz – 5,9%, kúrish – 3,5%, qaımaq – 3,4%, jańa pisken jemis – 3%, tuzdalǵan maıshabaq – 2,7%, aıran – 2,5%, sút – 2,4%, kondıterlik ónimder – 1,6%, irimshik jáne súzbe 1,5% qymbattady.

Sábiz – 2,9%, qumsheker 1,9% arzandady.

2022 jyldyń qazanmen salystyrǵanda qarashada azyq-túlikke jatpaıtyn taýarlar baǵasy 1,6% ósti.

Dızel otyny – 13,9%, tas kómir – 2,6%, aǵash otyny 1,6% qymbattady.

Jýý jáne tazalaý quraldarynyń baǵasy 4,1%, jeke paıdalanylatyn taýarlardiki – 2,8%, kıim jáne aıaqkıim, ydys, toqyma buıymdary 1,6% ósti.

Aqyly qyzmetterdiń baǵa deńgeıi ótken aıda 0,8% ósti.

Baǵanyń ósýi qoǵamdyq tamaqtandyrý qyzmetterine 2,7%, monsha qyzmetterine – 1,9%, shashtaraz ben sulýlyq salondary qyzmetterine – 1,8%, densaýlyq saqtaý, demalys jáne sporttyq is-sharalar salasyndaǵy qyzmetterge – 1,7%, qonaq úı qyzmetterine 1% qurady.

Inflıatsııa 2022 jylǵy qarashada jyldyq esepteýde 19,6% qurady.

Azyq-túlik taýarlarynyń baǵasy 24,1%, azyq-túlikke jatpaıtyn taýarlardiki 18,6%, aqyly qyzmetterdiki 14,1% ósti.

Bıýro ınflıatsııa deńgeıin sıpattaıtyn tutyný baǵalary ındeksiniń kórsetkishin aı saıyn esepteıdi.

Baqylaýlar qyzmetter men taýarlardyń tarıfteri jáne baǵalary, barlyǵy 508 pozıtsııa boıynsha júrgiziledi.

2018 jyldan bergi ınflıatsııanyń dınamıkalyq ózgeristerin arnaıy ázirlengen ınteraktıvti dashbordtan kórýge bolady.

2022 jylǵy qańtardan bastap, tutyný baǵalarynyń ındeksin eseptegende azyq–túlik taýarlarynyń úlesi – 40,7%, azyq-túlikke jatpaıtyn taýarlar – 30,2%, aqyly qyzmetter 29,1% qurady.