Qazaqstanda qant arzandady

ASTANA. QazAqparat - Qazaqstanda 2017 jylǵy qyrkúıektegi azyq-túlik baǵasy 2016 jyldyń qyrkúıegimen salystyrǵanda 7,8% qymbattaǵan, dep habarlaıdy «QazAqparat» HAA QR Ulttyq ekonomıka mınıstrliginiń Statıstıka komıtetine silteme jasap.

Atalǵan kezeńde kofe, shaı jáne kakaonyń baǵasy 14,8%-ǵa, kondıter ónimderiniń baǵasy 12,5%-ǵa, jemis-kókónistiń baǵasy 10,5%-ǵa, alkogoldi ishimdikter 10%-ǵa, sút ónimderi 9,9%-ǵa, balyq pen teńiz ónimderi 8,6%-ǵa, bólke jáne un ónimderi 8,4%-ǵa, nan 3,3%-ǵa, makaron ónimderi 2,6%-ǵa, un 2,4%-ǵa qymbattaǵan, al qanttyń baǵasy 14,3%-ǵa, jarmanyń baǵasy 12,2%-ǵa arzandaǵan. Et pen et ónimderi baǵasynyń ósimi 11,4%-dy quraǵan. Іri qara eti 14,2%-ǵa, qoı eti 13,4%-ǵa, shoshqa eti 10,9%-ǵa, qus eti 10,1%-ǵa, jylqy eti 8,7%-ǵa, shujyq ónimderi 7,2%-ǵa qymbattaǵan.