Qazaqstanda qansha jastan bastap elektroshoker qoldanýǵa bolady

QARAǴANDY. QazAqparat - Qaraǵandyda toǵyzynshy synyp oqýshysy qorǵaný úshin qoldanam dep alyp júrgen elektroshokerin polıtseılerge berdi, dep habarlaıdy Polisia.kz.

25 tamyz kúni Buqar-Jyraý aýdandyq polıtsııa basqarmasynyń ýchaskelik polıtsııa ınspektoryna 45 jastaǵy azamatsha aryzdanyp, kórshisi belgisiz sebeptermen ıtin atyp tastaǵanyn habarlaǵan.

Polıtsııa qyzmetkeri 40 jastaǵy azamatty anyqtady.

Onyń sózinshe, ol qarýdy daladan taýyp alǵan, keıin onyń jaramdy-jaramsyzdyǵyn tekserý kezinde baıqaýsyzda ıtke tıip ketken.

Taýyp alǵan qarý tárkilendi, al 40 jastaǵy azamatqa 60 myń teńgeden astam aıyppul tóleýge týra keledi.

26 tamyz kúni túngi ýaqytta 12-shi yqshamaýdanda polıtsııa qyzmetkerleri 15 jasar jasóspirimdi toqtatty.

Polıtseıler jasóspirimge túngi ýaqytta úlkendersiz júrýge bolmaıtynyn eskertip, sol jerge anasy kelgende 15 jastaǵy bala polıtseılerge elektroshoker qorǵanys quralyn berdi.

Elektroshoker tárkilendi, ony tek 18 jasqa tolǵanda ǵana qoldanýǵa bolady.

Jalpy «Qarý» jedel aldyn alý is-sharasy kezinde Qaraǵandy oblysy polıtsııa qyzmetkerlerimen 13 tirkelmegen qarý tárkilendi.

Sondaı-aq oblys turǵyndarynan ártúrli kalıbrdegi oq-dári tárkilendi.

Barlyq faktiler boıynsha Qylmystyq kodekstiń 287-babyna sáıkes qylmystyq is qozǵaldy. Tıisti saraptamalar taǵaıyndaldy.