Qazaqstanda qansha túrme bar

ASTANA. QazAqparat – Elimizde 79 qylmystyq-atqarý júıesi mekemesi bar. Olar qylmys deńgeıine qaraı ishinara bólinedi. Ol týraly Іshki ister mınıstrliginiń QazAqparat saýalyna berilgen jaýapta aıtylǵan.

«Búginde elimizde 79 qylmystyq-atqarý júıesi mekemesi bar. Onyń ishinde qaýipsizdigi barynsha tómen 16 túrme, 13 ortasha qaýipsiz túrme, kámeletke tolmaǵandarǵa arnalǵan ortasha qaýipsiz mekeme sany - 1. Sonymen qatar, qaýipsizdigi barynsha joǵary 16 mekeme, tótenshe qaýipsiz mekeme - 6 jáne 1 tolyq qaýipsiz mekeme bar. Odan bólek, áıelderge arnalǵan 6 jazasyn óteý jáne týberkýlezge shaldyqqan sottalǵandarǵa arnalǵan 2 túrme bar. Sol sııaqty el aýmaǵynda qaýipsizdigi aralas 18 jazasyn óteý mekemesi jumys istep tur», - degen jaýap aldyq Іshki ister mınıstrliginen.

Resmı habarlamada aıtylǵandaı, jazasyn óteý mekemelerinde er, áıel, kámelet jasyna tolmaǵandar men juqpaly aýrýǵa ushyraǵandar bólek ustalady.

Buǵan deıin habarlaǵanymyzdaı, elimizde jyl saıyn shamamen 15 myń adam túrmege qamalady.

Іshki ister mınıstrliginiń málimetinshe, qazir túrmelerde 28 myń adam jazasyn ótep jatyr. Sondaı-aq, jyl saıyn shamamen 6 265 adam túrmeden shyǵady.