Qazaqstanda qansha tazy bar

ASTANA. QazAqparat – Ótken jylǵy esep boıynsha Qazaqstanda tazy tuqymdas 1 myńǵa jýyq ıt bar. Degenmen onyń tek 150-ge jýyǵy ǵana asyl tuqymdy, dep habarlaıdy QazAqparat Energyprom portalyna silteme jasap.

1939 jylǵy esep boıynsha elimizde shamamen 7 000 tazy bolǵan.

Araǵa 26 jyl salyp, ıaǵnı 1965 jyly onyń sany artyp, 10 myńǵa deıin jetken.

Degenmen 1983 jylǵa deıin tazynyń 70% joıylyp, tek 3 myńy qalǵan.

2014 jyly tuqym-tegi tazyǵa uqsat ıt sany - 1 000 boldy. Onyń ishinde asyl tuqymdysy – 300.

Byltyrǵy esepke saı, elimizde tazy tuqymdas 1 myńǵa jýyq ıt bar. Alaıda, ǵalymdar aqparatyna qaraǵanda, onyń tek 150-ge jýyǵy ǵana asyl tuqymdy.

Aıta keteıik, ótken jyldyń sońynda tazy men tóbet tuqymyn kóbeıtý týraly zańdy Májilis maquldap, Senat qabyldaǵan bolatyn.

Oǵan sáıkes, qazaqy ıt tuqymdaryn saqtaý jáne kóbeıtý salasyndaǵy memlekettik basqarýdyń negizgi qaǵıdattary belgilenedi.

Qazaqy ıt tuqymdarynyń saqtalýyn qamtamasyz etý júıesine jaýapty memlekettik organdar men uıymdar aıqyndalady.

Zań jobasynyń normalaryn iske asyrý úshin 1,4 mlrd teńge jumsalmaq.

Foto: mydog.press