Qazaqstanda qansha sheteldik jumys isteýge ruqsat aldy

ASTANA. QazAqparat – QR Eńbek jáne halyqty áleýmettik qorǵaý mınıstri Tamara Dúısenova Qazaqstanda qansha sheteldik jumys isteýge ruqsat alǵanyn aıtty, dep habarlaıdy QazAqparat tilshisi.

«Ruqsat alǵan shetel azamattar bizdiń qadaǵalaýymyzda, olar eldegi qazaqstandyq nemese sheteldik kompanııalarda jumys isteıdi. Bıyl 14 myń sheteldik mamanǵa Qazaqstanda jumys isteýge ruqsat berildi. Olar jumys isteıdi jáne mindetti zeınetaqy jarnasyn aýdarady. Reseı azamattaryna da qatysty aqparat usynyldy – olardyń sany 22 myńnan sál asady, olar da mindetti zeınetaqy jarnasyn tóleıdi», - dedi Tamara Dúısenova Úkimet kýlýarynda tilshilerge bergen suhbatynda.

Aıta keteıik, QR ІІM Kóshi-qon qyzmeti komıtetiniń habarlaýynsha, bıyl Qazaqstanǵa 5 mıllıonnan astam sheteldik kelgen.