Qazaqstanda qansha shetel azamaty jumys isteıdi
«Shetel jumys kúshin (ShJK) tartýǵa berilgen ruqsat qujattarynyń arasynda mynadaı sanattar bar: basshylar men olardyń orynbasarlary úshin 570 ruqsat (birinshi sanat), qurylymdyq bólimshelerdiń basshylaryna 3 000 ruqsat (ekinshi sanat). Tartylǵan shetel jumys kúshiniń negizgi bóligi úshinshi (mamandar - 7 388) jáne tórtinshi (bilikti jumysshylar - 883) sanattarǵa jatady. Sondaı-aq maýsymdyq jumystarǵa 217 adam, al korporatıvtik aýystyrý aıasynda 1 438 adam tartyldy», - delingen Eńbek jáne halyqty áleýmettik qorǵaý mınıstrligi málimetinde.
Qazirgi kezde Qazaqstanda ShJK paıdalanatyn 1 645 jumys berýshi bar. Olarda 411 myńnan astam Qazaqstan azamaty jumys istep júr, bul óz kezeginde qyzmetkerlerdiń jalpy sanynyń 96 paıyzy.
Ekonomıkalyq qyzmet túrleri boıynsha kóbi qurylys salasynda, ıaǵnı 5 458 adam (42%) qamtylǵan. Odan keıin taý–ken ónerkásibi jáne karerlerdi qazý baǵatynda 1 879 adam (11%), aýyl, orman jáne balyq sharýashylyǵynda – 1 733 adam (4%), óńdeý ónerkásibindn – 1 641 adam (7%), ǵylymı jáne tehnıkalyq qyzmette 1 057 adam (8% ) qyzmet etip jatyr.
Eńbek mıgranttary keletin negizgi elder: Qytaı – 3 411 adam, Úndistan – 1 693 adam, Túrkııa – 1 615 adam, Ulybrıtanııa – 1 104 adam, Ózbekstan – 391 adam.
Atap aıtqanda, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. Bul vedomstvo 2023 jylǵa shetel jumys kúshin tartýǵa arnalǵan kvotany 22 226 deńgeıinde (0,24%) belgiledi.