Qazaqstanda qansha nemis turyp jatyr
«Qazaqstan men Germanııa qarym-qatynasy saıası belsendi baılanys jáne saýda-ınvestıtsııalyq jobalar arqyly myǵym. Sondaı-aq adamı ólshemniń mańyzdy áleýetimen de erekshelenedi. Elimiz HH ǵasyrdyń basynda ólkemizge kele bastaǵan myńdaǵan nemis úshin ekinshi otanyna aınaldy. Al Edil boıyndaǵy nemisterdi qaıǵyly stalındik deportatsııalaǵannan keıin elimizdegi nemisterdiń sany 1 mıllıonǵa deıin ósti. Biz árqashan Qazaqstannyń birtutas halqynyń ajyramas bóligine aınalǵan nemis otandastarymyzdyń eńbeksúıgishtigi men tatý kórshiligine zor qurmetpen qaraımyz. Búginde Germanııada 1 mln-ǵa jýyq qazaqstandyq turyp jatyr. Onyń ishinde bizdiń elde turyp, keıin tarıhı otanyna kóshkender de bar. Al bizge kelsek, Qazaqstanda 200 myńǵa jýyq nemis halqy ómir súrip jatyr», - dedi R. Vasılenko.
Vıtse-mınıstrdiń málimdeýinshe, ishki ekonomıkany ilgeriletýde Germanııa óz úlgisimen erekshelenedi.
«Ótken jyldyń qyrkúıek aıynda Nur-Sultanda qazaq-german ortalyǵy ashyldy. Ondaǵy maqsat - Qazaqstandaǵy nemis etnosyn shoǵyrlandyrý jáne jan-jaqty qoldaý. Sondaı-aq Qazaqstan men GFR arasyndaǵy mádenı-gýmanıtarlyq yntymaqtastyqty odan ári damyta túsý. Qorytyndylaı kele, senim men ózara túsinistikke negizdelgen jemisti yntymaqtastyq úshin nemis dostarymyzǵa, áriptesterimizge jáne seriktesterimizge rızashylyǵymdy bildiremin. Jáne dıplomatııalyq qarym-qatynastyń 30 jyldyǵymen taǵy da quttyqtaımyn!», - dedi ol.