Qazaqstanda qansha latıfýndıst bar

<p>ASTANA. KAZINFORM &ndash; Aýyl sharýashylyǵy mınıstrligi Kazinform saýalyna joldaǵan jaýapta shekti mólsherden artyq kólemde jer ıelenip otyrǵan adamdardyń sanyn aıtty.</p>

- Qazirgi ýaqytta 1 299 jeke tulǵa 35 myń gektardan astam jerge, al 612 zańdy tulǵa 51 myń gektardan astam jerge ıelik etedi. Osy jer ıelenýshilerine tıesili jerlerdi paıdalaný tıimdiligin anyqtaý úshin tolyq túgendeý júrgizildi, - dep jazylǵan jaýapta.

Qazir qoldanystaǵy zańnamada jeke tulǵalar 35 myń gektardan, zańdy tulǵalar 51 myń gektardan artyq jer rásimdeı almaıtyn norma bar.

- Bekitilgen eń joǵary mólsher aýyl sharýashylyǵy maqsatyndaǵy jerlerdiń bir qolda shoǵyrlanýyn boldyrmaý úshin belgilendi. Bir adamnyń ýaqytsha jer paıdalaný quqyǵynda birneshe jer ýchaskesi bolýy múmkin. Biraq olardyń jalpy aýdany kórsetilgen mólsherden aspaýy tıis degen qorytyndy shyǵady. Osylaısha, búgingi tańda qoldanystaǵy zańnamaǵa sáıkes, jańa merzimge jaldaý shartyn jasaý úshin burynǵydan artyq jer ýchaskesin berýge ruqsat etilmeıdi, - dep jazady mınıstrlik mamandary.

Buǵan deıin Pavlodar oblysynyń jer resýrstaryn basqarýǵa jaýapty memlekettik organdary sońǵy eki jylda 33 sharýany jerinen aıyrǵany belgili bolǵan edi.