Qazaqstanda qansha azamattyń salyqtyq bereshegi bar
15:39, 11 Aqpan 2019
ASTANA. QazAqparat - Elimizde 1 mln 387 myń azamattyń 21 mlrd teńge salyqtyq bereshegi bar. Bul týraly búgin Úkimet úıinde ótken baspasóz máslıhatynda QR Qarjy mınıstri Álıhan Smaıylov aıtty, dep habarlaıdy QazAqparat tilshisi.
«Jeke tulǵalarǵa qatysty salyqtyq raqymshylyq júrgizý maqsatynda Salyq kodeksine tıisti ózgertýler engiziletin bolady. Búgingi tańda elimizdegi 1 mln 387 myń azamattyń 21 mlrd teńge kóleminde salyqtyq bereshegi bar. Onyń 6,6 mlrd teńgesi ósimaqy. 2019 jyldyń 1 qańtaryndaǵy jaǵdaı boıynsha, bereshegin ótegen azamattardyń ósimi joıylatyn bolady», - dedi Á.Smaıylov.
Sonymen qatar, mınıstr ońaltý jáne bankrottyq boıynsha zańǵa túzetýler men tolyqtyrýlar engizý jumystary júrgizilip jatqanyn aıtty.
«Qoldanystaǵy zańda ońaltý men bankrottyq protsesterine kirý boıynsha naqty sharttardyń joqtyǵy jáne sol protsesterdiń uzaqtyǵy qıyndyq týdyrýda. Qazirgi ýaqytty bul zań jobasy Parlament Májilisine jiberildi», - dedi ol.