Qazaqstanda qansha adam vaktsına saldyrdy – Úkimet esebi
«Qyzmet kórsetý salasy jáne iri uıymdasqan ujymdar qyzmetkerlerin vaktsınalaý boıynsha talaptar kúsheıtildi. Sonyń nátıjesinde sońǵy aıda vaktsınalaý qarqyny eki esege artty. Búginde elimizde 8,7 mln doza vaktsına qamtamasyz etildi, onyń ishinde 6,6 mln doza vaktsına salyndy. Bul rette birinshi komponentpen 4,2 mln asa adam nemese tıisti kontıngenttiń 42,8 paıyzy egildi. Al ekinshi komponentpen 2,4 mln jýyq adam qamtyldy», - dedi E. Toǵjanov.
Degenmen Premer-Mınıstr orynbasary jekelegen óńirlerde vaktsınalaý tómen deńgeıde ekenin aıtty. Onyń ishinde Mańǵystaý oblysynda birinshi komponentpen tıisti kontıngenttiń 21,5 paıyzy, Aqtóbe oblysynda – 34,9 paıyz, BQO – 35,5 paıyz ǵana egilgen.
«Sizdiń tapsyrmańyzǵa sáıkes (Prezıdent – red.), Ashyq jobasy 13,5 myńnan asa bıznes sýbektilerine pandemııa kezinde jumys isteýge múmkindik berdi. Nátıjesinde 96 paıyz shaǵyn jáne orta bıznestiń jumysy qalpyna keltirildi. Ashyq arqyly anyqtalǵan 11,5 myńnan asa karantın rejımin buzǵandarǵa, talapty saqtamaǵan myń sýbektige qatysty sharalar qabyldandy», - deıdi E. Toǵjanov.
Aıta keteıik, Memleket basshysy Qasym-Jomart Toqaevtyń tóraǵalymen Úkimettiń keńeıtilgen otyrysy bastaldy. Beınebaılanys rejıminde ótip jatqan otyrysta Mınıstrler kabınetiniń barlyq músheleri, oblystardyń, respýblıkalyq mańyzy bar Nur-Sultan, Almaty, Shymkent qalalarynyń ákimderi qatysýda. Jıyn barysynda elimizdiń bıylǵy jartyjyldyqtaǵy áleýmettik-ekonomıkalyq damýy qorytyndylanbaq. Sondaı-aq Qazaqstan Prezıdenti pandemııadan keıingi kezeńdegi ekonomıkany damytýdyń mindetterin belgilep beredi dep kútilýde.