Qazaqstanda qansha adam bas bostandyǵynan aıyrylǵan

NUR-SULTAN. QazAqparat – QR ІІM Qylmystyq-atqarý júıesi komıtetiniń málimetinshe, elimizdegi 80 mekemede 32 myń sottalǵan adam bar, dep habarlaıdy QazAqparat tilshisi.

«Qazirgi ýaqytta elde 80 mekeme bar, olarda 32 myńnan astam qamaýda otyr. Sonyń 25 myńy sottalýshy jáne 6,5 myńy tergeý barysynda tutqynǵa alynǵan», - delingen QR Prezıdenti janyndaǵy Adam quqyqtary jónindegi komıssııa otyrysynyń barysynda taratylǵan málimette.

Belgili bolǵandaı, áıelder kolonııasynda (6 kolonııada) 2 244 adam jazasyn ótep jatyr.

Aıta keteıik, byltyr QR Іshki ister mınıstrliginiń ókilderi qylmystyq saıasatty izgilendirýdiń arqasynda sońǵy 9 jyldyń ishinde túrme otyrǵandardyń sany is júzinde 2 esege jýyq, 57 myńnan 30 myńǵa deıin tómendegenin habarlaǵan edi.

Budan buryn habarlanǵandaı, búgin QR Prezıdenti janyndaǵy Adam quqyqtary jónindegi komıssııanyń otyrysy ótti.

Otyrys barysynda QR ІІM Qylmystyq-atqarý júıesi komıtetiniń sottalǵandardyń qaýqarsyz toptarynyń konstıtýtsııalyq quqyqtaryn qamtamasyz etýdegi qyzmeti qaraldy.