Qazaqstanda qansha Abaı bar

<p>ASTANA. KAZINFORM — Erteń Abaı Qunanbaıulynyń týǵan kúni. Ulttyq statbıýro uly oıshyldyń qurmetine qoıylǵan esimder jaıly statıstıkany usynady. </p>

Búginde elimizde Abaı esimdi 18 586 adam turady. 

Ǵulama esimi berilgenderdiń eń kóbi Túrkistan oblysynda turady — 2050 adam, odan keıin Astana — 2021 adam jáne Almaty qalasy — 1639 adam.

Oıshyl esimi berilgen azamattardyń eń azy Ulytaý óńirinde — 193 adam.

Aqynnyń týǵan ólkesinde (Abaı oblysynda) Abaı esimdi 232 adam turady.

Eger jas quramy boıynsha qaraıtyn bolsaq, 18 jasqa deıingi 4166 balaǵa Abaı esimi berilgen.

18 ben 44 jas aralyǵyndaǵy osy esimdi taǵy 8 179 adam jáne 45 jastan asqan 6241 adam bar.