Qazaqstanda qansha 5G bazalyq stantsııasy ornatylǵan

<p>Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi elimizde ornatylǵan 5G bazalyq stantsııalarynyń sanyn jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Belgilengen lıtsenzııalyq mindettemelerge sáıkes, baılanys operatorlary 2023 jyly Astana, Almaty jáne Shymkent qalalarynda 391 shamasynda 5G bazalyq stantsııasyn ornatý josparlanǵan. Qazir baılanys operatorlary 5G-diń 677 bazalyq stantsııasyn ornatqan. Máselen, Astanada – 116 stantsııa, Almatyda – 326, Shymkentte stantsııa ornatyldy», – delingen mınıstrliktiń Kazinform agenttigine bergen jaýabynda.

Vedomstvo málimetinshe, Astana, Almaty, Túrkistan jáne Shymkent qalalarynyń aýdandarynda 5G jelisiniń qamtý aýmaǵyn «Mobaıl Telekom Servıs» JShS (Tele 2 jáne Altel brendterimen) jáne Kcell baılanys operatorlarynyń saıttaryndaǵy tıisti kartadan kórýge bolady.

Aıta keteıik, bıyl elimizde 5G jańa uıaly baılanys jelisin engizý bastaldy. Joba aıasynda 2027 jylǵa qaraı respýblıkalyq mańyzy bar qalalardyń 75 paıyzynda, oblys ortalyqtarynyń 60 paıyzynda 5G tehnologııasy qosylady.