Qazaqstanda qańǵybas janýarlar atylmaıdy jáne olardyń sany sterıldeý arqyly retteledi
Aıta keteıik, «Janýarlarǵa jaýapkershilikpen qaraý týraly» zań 2 naýryzdan bastap kúshine enedi.
«Jańa zań 2 naýryzda kúshine enedi. Osy sátten bastap bizdiń qazaqstandyq qoǵamda janýarlar atylmaıdy, aýlaýdyń ózi gýmandy túrde júrgiziledi jáne janýarlar sanyn retteý tek sterıldeý arqyly júzege asyrylady. Eger ıtterde qaýipti juqpaly aýrýlar men qutyrý anyqtalsa nemese ıt agressıvti bolsa jáne turǵyndardyń ómiri men densaýlyǵyna, qoǵamǵa qaýip tóndirse, mundaı jaǵdaıda qaıtarymsyz aýlaý qoldanylady», -dep túsindirdi Álııa Shalabekova ortalyq kommýnıkatsııalar qyzmetinde ótken baspasóz máslıhatynda.
Óz kezeginde QR EGTRM orman sharýashylyǵy jáne janýarlar dúnıesi komıteti tóraǵasynyń orynbasary Danııar Turǵambaev ákimdikterdiń qańǵybas ıtterdi aýlaýǵa qansha qarajat jumsaıtynyn aıtty.
«Qazirgi ýaqytta aýlaý jáne joıý úshin ár oblysta shamamen 60-tan 150 mıllıon teńgege deıin ártúrli shyǵyndar bar. 2 naýryzdan bastap zań kúshine engennen keıin aýlaý jumysyna mundaı kólemde aqsha bólinbeıdi», - dedi Danııar Turǵambaev.