Qazaqstanda qandaı avtobólshekter shyǵarylady

<p>ASTANA. KAZINFORM &ndash; Elimizde avtokólik quraldaryna arnalǵan avtokomponentter men qosalqy bólshekter óndirisi lokalızatsııalanǵan. Bul týraly Avtomobıl naryǵyn monıtorıngileý jáne taldaý agenttiginiń dırektory Artýr Mıskarıan aıtyp berdi.</p>

«Qazaqstandyq avto naryqty qosalqy bólshekter men avtokomponentterdi damytý alańy retinde qarastyratyn kóptegen óndirýshiler men kompanııalar bar», - dedi Artýr Mıskarıan elordada ótip jatqan «Automechanika Astana» kórmesinde. 

Foto: Vıktor Fedıýnın / Kazinform

Sarapshynyń aıtýynsha, Qazaqstanda kólik quraldaryna arnalǵan avtokomponentter men qosalqy bólshekter óndirisi lokalızatsııalanǵan. Atap aıtqanda, aýa jáne maı súzgileri, batareıalar, sorý júıeleri, bamperler, polıýretandy tósenishter jáne plastıkalyq bólshekter, medıa, oryndyqtar, dıskiler, shınalar, tsılındr bastary, mehanıkalyq redýktorlar taǵy sol sııaqty. 

Foto: Vıktor Fedıýnın / Kazinform

Sonymen qatar, otandyq óndiristiń avtokomponentteri qazaqstandyq zaýyttarda jańa kólik quraldaryna ornatylady. 

Foto: Vıktor Fedıýnın / Kazinform

Buǵan deıin jeńil avto kólik sarapshysy Qazaqstanda Qytaı avtomobılderi ımportynyń artýyna qatysty pikir bildirdi. 

Aıta keteıik, elordada «Automechanika Astana» atty halyqaralyq avtokórme ótip jatyr. Ol avtomobıl ónerkásibiniń, dılerlik ortalyqtardyń, qyzmet kórsetý jáne jóndeý segmentteriniń ókilderin biriktiretin halyqaralyq platforma. 

Úsh kúnge (17-19 sáýir) sozylatyn avtokórmege 20 elden avtokompanııa men onyń ókilderi qatysyp jatyr.