Qazaqstanda kámeletke tolmaǵandar isi boıynsha prokýratýralar qurý josparlanýda

ASTANA. QazAqparat - Qazaqstanda kámeletke tolmaǵandar isi boıynsha arnaıy prokýratýralardy qurý josparlanýda. Bul týraly búgin Astanadaǵy Halyqaralyq adam quqyqtary kúnine arnalǵan dóńgelek ústelde QR Bas prokýrorynyń orynbasary Andreı Kravchenko málim etti.

«ıÝvenaldy ádiletti qalyptastyrý turǵysynan bul baǵytta prokýrorlyq baqylaýdy kúsheıtý úshin, biz mamandandyrylǵan ıývenaldyq prokýratýralardy qurý jaıynda oılastyrýdamyz»,-dedi ol.

Osy oraıda A. Kravchenko búginde Qazaqstannyń árbir óńirlik prokýratýrasynda kámeletke tolmaǵandar quqyǵyn saqtaýdy qadaǵalaıtyn arnaıy kómekshi jumys isteıtindigin jetkizdi.

Onyń sózine qaraǵanda, kámeletke tolmaǵandardyń quqyǵyn qorǵaý salasynda elimizdiń baqylaýshy vedomstvolary bıyl eki myńnan astam tekserý júrgizip, 149 myńnan astam kámeletke tolmaǵandardyń konstıtýtsııalyq quqyqtaryn qorǵady.