Qazaqstanda qaldyqtardy tıimdi basqarýdyń ozyq úlgisi engiziledi
Qujattyń basty maqsaty - qaldyqtardy keshendi basqarý júıesin damytý, qaldyqtardyń qorshaǵan ortaǵa tıgizetin áserin azaıtý, sondaı-aq qaldyqtardan qaıtalama shıkizat alý jáne ony energııa kózi retinde paıdalaný. Atap aıtqanda jekelegen aımaqtarda turmystyq qatty qaldyqtardy bólek tastaý júıesin engizý, suryptaý jelisin qosý, qaldyqtan energııa óndiretin zaýyt qurylysyna ınvestorlar tartý qarastyrylǵan.
«Qaldyqtan energııa óndirý tájirıbesi kóptegen memleketterde qoldanysta bar. Atalǵan ádis-tájirıbeni elimizde qoldaný qaldyqty tıimdi basqarýdyń oń sheshilýine yqpal etedi. Nátıjesinde qoqys polıgondarynan parnıktik gazdardyń shyǵýyn azaıtyp, elimizde kómiletin QTQ kólemin 90% deıin qysqartýǵa múmkindik beredi. Kómiletin qaldyq kólemin qysqartý, qaıta óńdeýdi ulǵaıtý jáne de tutynýshy ydysyna depozıttik júıe engizý Operator strategııasynda usynylyp otyr. ıAǵnı, bos ydysty qaıta tapsyrǵan tutynýshy yntalandyrylady. Sol arqyly turmystyq qaldyqtardyń qaıta óńdeý úlesi artady» delingen habarlamada.
Qoǵamdyq keńeste zańsyz qoqys alańdaryn joıýǵa operatordyń qatysýy jáne atalǵan sharany oryndaýǵa ortaq qarjylandyrý máselesi qarastyryldy. Zańsyz qoqys alańyna aınalǵan polıgondar janyna ýaqytsha beketter ornatý usynyldy. Ol jerde qaldyqty jaǵýǵa arnalǵan ýaqytsha qurylǵy bolady. Atalǵan tehnologııa dalaǵa tastalǵan qaldyqty anyqtaýǵa jáne ony jedel joıýǵa múmkindik beredi.
«Sondaı-aq operator tarapynan aralas túrdegi qaptama qaldyqtaryn, qońyr tústi shyny ydys qaldyqtaryn, plastmassa (polıetılen, polıpropılen) qaldyqtaryn óńdeıtin kásiporyn qurylysyn salýǵa qarjy bólý múmkindigi qarastyryldy. Sonymen qatar Operator Strategııasynda búgingi kúnde qyzmet etip otyrǵan baǵyttardy yntalandyrýǵa qoldaý kórsetile beretindigi belgilengen. Naqty aıtqanda eski kólikterdi tapsyrý baǵdarlamasyn yntalandyrý, elektr qýattaý beketteriniń ınfraqurylmyn damytý, ÓKM taralatyn ónim qaldyqtaryn jınaýǵa jáne qaıta óńdeýge jumsalatyn ótemaqyny berýge, ekologııalyq taza kólikterdi shyǵarý óndirisin yntalandyrýǵa qoldaý kórsetiletindigi belgilengen» dep habarlaıddy «ÓKM operatory» JShS baspasóz qyzmeti.
Qoǵamdyq keńes músheleri turmystyq qaldyqtardyń qoqys polıgondaryna kómýdi shekteý, ony qaıta óńdeý, zańsyz qoqys alańdarynyń paıda bolýyna jol bermeý sharalary eń ózekti strategııalyq baǵyt ekendigin atap ótti. Sondyqtan Qazaqstanda qaldyq basqarý júıesin jáne qaıta óńdeý salasyndaǵy ınfraqurylym jedel damytýdy qajet etedi.
Eskertýler men usynystar tolyq eskerilgen strategııany ekologııa, geologııa jáne tabıǵı resýstar mınıstrligi bekitti. Búgingi tańda atalǵan sharalardy júzege asyrý boıynsha josparlar ázirlenedi.