Qazaqstanda kádi men baklajan qansha turady

<p>ASTANA. KAZINFORM &ndash; Jazdyń sońy kádi men baklajan maýsymy desek qatelespespiz. Keıbireýlerge kókónisti kóbine saıajaıdan dostary men týystary ákeletini ras. Al ondaı &laquo;baqyt&raquo; buıyrmaǵandar bazar aralap, ár kelisin 150-500 teńgeden satyp alady. Kazinform agenttiginiń tilshisi elimiz boıynsha atalǵan kókónistiń baǵasyn saraptap kórdi.</p>

Sońǵy ýaqytta kádi men baklajan arzandaǵanyn atap ótken jón. Eń arzanyn Kókshetaý men Semeıden tabasyz. Al, Túrkistanda jaǵdaı kerisinshe.

Kókshetaýda kádiniń bir kelisi 150 teńgeden bastalady. Al, baklajandy 350 teńgeden satyp alýǵa bolady. Semeı turǵyndary kádini 150-300 teńgege, baklajandy 400 teńgeden satyp alyp júr.

Túrkistanda kádiniń bir kelisin 500 teńgeden usynady. Dese de, baklajandy nebary 250 teńgege satyp alýǵa bolady.

Aqtóbe turǵyndaryna bir keli kádi úshin 250-350 teńge tóleýge týra keledi. Baklajan da sol baǵada (350 teńge). Petropavlda kádiniń baǵasy 200-350 teńgeden, al baklajannyń baǵasy 450 teńgeden bastalady.

Qostanaıda kádini kez kelgen kókónis dúkeninen ońaı tabýǵa bolady. Baǵasy 200-250 teńge aralyǵynda. Baklajan qymbatyraq. Ár kelisi 400-490 teńgege baǵalanady. Pavlodarda kádini ortasha eseppen 215 teńgege usynady, baklajan úshin 475 teńge sanap beresiz. Taldyqorǵanda kádiniń bir kelisi 199 teńge, baklajannyń ár kelisi 295 teńge turady.

Astanalyqtar kádini 360-445 teńgege, baklajandy 300-520 teńgege satyp ala alady.

Almaty dúkenderinde kádiniń ortasha baǵasy 160 teńgege, baklajannyń baǵasy 200-300 teńgege teń. Qonaev dúkenderinde kókónisterdiń ortasha baǵasy 300 teńgeni, Aqtaýda 310 teńgeni quraıdy.

Qaraǵandy men Jezqazǵanda kádini 200 teńgeden, baklajandy 400 teńgeden satyp ala alasyz.

Atyraýda atalǵan kókónisterdiń baǵasy 350 teńgeden bastalady. Keıbir dúkenderde 400-450 teńgege satyp alýǵa bolady. Qyzylordada kókónisterdiń ortasha baǵasy 350-450 teńge teń. Taraz sýpermarketterinde baǵa 385 teńgeni kórsetip tur. Bazarlar men kóterme saýdada kókónisterdi sál arzanyraq baǵaǵa tabýǵa bolady.

Óskemende satýshylar bir keli kádi úshin 450 teńge suraıdy. Baklajan basqa qalalarǵa qaraǵanda áldeqaıda qymbat (600 teńge).

Oralda kádi 455 teńge, baklajan 325 teńge turady. Shymkentte kádiniń ortasha baǵasy 325 teńgege, baklajan 265 teńgege teń.

Qazir bul eki kókónistiń baǵasy tym joǵary emes. Áıtpese, qaı kezde bolmasyn kádi men baklajan dárýmenderge, paıdaly mıneraldarǵa óte baı. Muny atalǵan kókónister qosylǵan salatty jegen adamdar jaqsy túsinetinine esh kúmán joq.

Kollaj: Kazinform

Aıta keteıik, baklajannyń adam organızmine kóptegen paıdasy bar. Júrektiń jumysyn jaqsartady, sebebi bakjalannyń quramy kalıı jáne natrıı tuzdaryna óte baı. Quramy mıneraldarǵa, temir, kobalt, marganetsterge mol bolǵandyqtan, qannyń quramyn, gemoglobındi qalpyna keltirip, qan az (anemııa aýrýyna shaldyqqan) adamdarǵa shıpa bolady. Al, bakjalannyń shyryny antıseptıkalyq dári retinde qoldanylady. Baklajanda V jáne S vıtamınderi bar. Sondyqtan ol organızmdi ınfektsııalar men tumaýdan saqtaıdy.

Uıqysyzdyq pen depressııa kezinde de kómegi zor. Temekini tastaǵysy keletin adamdarǵa da kómegi tıedi. Quramyndaǵy RR vıtamıniniń kóp bolýyna baılanysty adamnyń nıkotınge degen táýeldiligi joıylady. Sonymen qatar teriniń ylǵaldanyp turýyna kómektesip, ájimderdiń kóp bolýynan saqtaıdy. Az kalorııaly bolǵandyqtan aryqtaımyn degen adamdarǵa da paıdaly.