Qazaqstanda ıtalıandyq tehnologııamen sándi aıaq kıim shyǵaryla bastady

ASTANA. QazAqparat - Qazaqstanda ıtalıandyq tehnologııamen sándi aıaq kıim shyǵaryla bastady. Óndiristi búgin jalpyulttyq telekópir barysynda QR Prezıdenti Nursultan Nazarbaev iske qosty, dep habarlaıdy QazAqparat.

«Asa qurmetti Nursultan Ábishuly! Osydan bir jyl buryn, bizdiń «Qazlegprom» fabrıkasyna kelgenińizde, Siz bizge halyq úshin modeldi aıaq kıimniń jańa óndirisin qurýdy tapsyrdyńyz. Sizdiń tapsyrmańyz oryndaldy! Búgin ıtalıandyq tehnologııa boıynsha suryptamasy keń aıaq kıim óndirisi iske qosylýǵa daıyn. Al jobanyń oryndalýy qazaqstandyq aıaq kıim naryǵyndaǵy ımportty almastyrýdy qamtamasyz etedi.

Qurmetti Elbasy, ujymymyzdyń atynan Sizdiń otandyq jeńil ónerkásipti qoldaýyńyzdyń jeke úlgisine jáne elimizdiń Siz júrgizip jatqan Indýstrııalandyrý saıasatyna zor rızalyǵymyzdy bildiremiz», - dedi «Kazlegprom-Almaty» JShS-nyń dırektory Aıbek Bekturǵanov.

Osydan keıin Memleket basshysy zaýyt jumysynyń bastalýyna ruqsat berdi.