Qazaqstanda ıslamdy túsindirýdiń ózindik modeli ázirlenedi

ASTANA. QazAqparat - Qazaqstanda ıslamdy túsindirýdiń ózindik modeli ázirlenedi.  Bul týraly QR Din isteri jáne azamattyq qoǵam mınıstri Nurlan Ermekbaev elordada ótip jatqan «Biregeılik pen birlik: Qazaqstan joly jáne N.Á.Nazarbaevtyń úlgisi» atty halyqaralyq ǵylymı-tájirıbelik konferentsııada aıtty, dep habarlaıdy QazAqparat.

«Osy sátti padalana otyryp konferentsııa qatysýshylarynyń nazaryn bizdiń mınıstrlik pen Qazaqstan musylmandary dinı basqamrasynyń birlesken jobasyna aýdartqym keledi. Búginde biz ıslamnyń qasıetti kitaptaryn túsiný jáne túsindirýdiń qazaqstandyq modelin ázirleýge kiristik. Islamdy túsinýdiń mundaı qazaqstandyq modeliniń ǵylymı negizdemesin ázirleý úshin arnaıy ǵalymdar tobyn jasaqtadyq», - dedi mınıstr.

Nurlan Ermekbaevtyń sózine qaraǵanda, atalǵan model rýhanı, adamgershilik-ádep qundylyqtaryna jáne dinı senimine qaramastan barlyq azamattardyń quqyǵyn qurmetteýge negizdeletin bolady.

Aıta keterligi, atalǵan konferentsııa QR Tuńǵysh Prezıdenti kúni men elordanyń Astanaǵa kóshirilýiniń 20 jyldyǵyna arnalǵan. Shara maqsaty - álem elderindegi biregeıliktiń qalyptasý máselelerin qazaqstandyq tájirıbemen salystyra talqylaý, etnosaralyq jáne konfessııaaralyq  kelisimniń «N.Nazarbaev modeli» retinde tanylǵan qazaqstandyq úlginiń tusaýyn kesý. Konferentsııaǵa saıasattaný, tarıh, fılosofııa, áleýmettaný, etnologııa jáne basqa da gýmanıtarlyq ǵylymdar baǵytyndaǵy Germanııa, Úndistan, Iran, Qazaqstan, Qyrǵyzstan, Reseı, Ózbekstan  elderiniń ǵalymdary qatysýda.