Qazaqstanda iskerlik belsendilik oń aımaqta tur – Ulttyq bank
«2023 jyldyń mamyr aıynda álemdik naryqtarda oń úrdis saqtaldy. Qarjy naryǵynda turaqtylyq ornap, ınflıatsııa baıaýlaı bastady. Alaıda, álemdik ekonomıkanyń damý perspektıvalaryna joǵary belgisizdik áser etip otyr. Mamyrda jahandyq iskerlik belsendiliktiń qarqyny ekpindi boldy. PMI jahandyq kompozıttik ındeksi 2021 jylǵy jeltoqsannan maksımaldy mán 54,4-ke deıin ósip, tórt aı qatarynan oń aımaqta keledi. Óndiris pen jańa tapsyrystar, sáıkesinshe, 2021 jylǵy jeltoqsannan jáne 2022 jylǵy naýryzdan bergi maksımýmǵa jetti», - dedi Ulttyq bank tóraǵasy.
Onyń dereginshe, Qazaqstanda mamyr aıynda iskerlik belsendilik oń aımaqta qalyp, 50,6 boldy. Óndiris sektorynda ındeks oń aımaqqa ótip, 50,2, qyzmetter sektorynda 51,1 mánin qurady.
«Bıznes-klımat ındeksi 15,4 mánine deıin ulǵaıdy. Bıznestiń qazirgi jáne bolashaq jaǵdaıyn baǵalaý jaqsaryp, óndiris pen qyzmetterdegi kórsetkish artty», - dedi Ǵalymjan Pirmatov.