Qazaqstanda ishki jalpy ónimdegi salyqtyń úlesi qansha bolady

ASTANA. QazAqparat - 2025 jylǵa qaraı Qazaqstanda salyqtyń jınalýy kórsetkishi ishki jalpy ónimge shaqqanda 25 paıyzǵa jetedi. Bul týraly Parlament Májilisindegi Úkimet saǵatynda Qarjy mınıstri Álıhan Smaıylov aıtty, dep habarlaıdy QazAqparat.

«Táýekelderdi basqarý» aqparattyq júıesi úlken derekter kólemin taldaý arqyly táýekeldiń jańa túrlerin anyqtaýǵa jáne irikteý protsesterin avtomattandyrýǵa, salyq tóleýshilerdi sanattarǵa bólýge, sondaı-aq salyq jáne keden zańnamasynyń buzýshylyqtaryn anyqtaýǵa múmkindik beredi. Táýekelderdi basqarý júıesi negizinde ázirlengen táýekel modelderi derekterdi qolmen óńdemeı, ony avtomattandyryp, jumys ýaqytyn 2 aıdan 2 kúnge deıin qysqartyp, nátıjelerdiń neǵurlym joǵarlatýǵa múmkindik berdi», - dep túsindirdi mınıstr.

Onyń sózine qaraǵanda, 2025 jylǵa qaraı salyqtyń jınalýy kórsetkishin ishki jalpy ónimge shaqqanda 25 paıyzǵa jetkizý eskerilip otyr.

«Salyqtardyń jınalýyn 2018 jylǵy 16,9 paıyzdan 2025 jyly ishki jalpy ónimniń 25 paıyzyna deıin arttyrýdy maqsat etip otyrmyz. Salyqtyq jáne kedendik ákimshilendirýdi tsıfrlandyrý esebinen absolıýttik mánde bul 2025 jylǵa deıin 5,5 trln teńge kóleminde bıýdjetke qosymsha túsim beredi», - dedi Álıhan Smaıylov.