Qazaqstanda ırrıgatsııalyq jabdyqtar shyǵaratyn zaýyt salynady
Vedomstvo taratqan aqparatqa qaraǵanda, Qytaıdaǵy eń iri jańbyrlatý júıesin óndirýshisi VODAR kompanııasy jobaǵa ınvestıtsııa salýǵa nıetti. QHR-ǵa sapary aıasynda QR Aýyl sharýashylyǵy mınıstri Erbol Qarashókeev pen VODAR kompanııasynyń bas dırektory Karson Chjoý ózara túsinistik týraly tıisti memorandýmǵa qol qoıdy.
Kásiporyn «Qorǵas Shyǵys qaqpasy AEA» aýmaǵynda salynady dep kútilip otyr. Birinshi óndiris jelisi bıyl iske qosylady. Budan basqa, aldaǵy aılarda Almaty jáne Pavlodar oblystarynda eki demonstratsııalyq alań ornatylady. Aıta ketý kerek, kompanııa memlekettik qoldaýdyń qosymsha sharalaryn talap etpeıdi jáne naryq jaǵdaıynda jumys isteýge daıyn.
Aıta keteıik, Qazaqstanda sý únemdeý tehnologııalary engizilgen alańdardyń ulǵaıǵany baıqalady, buǵan ınvestıtsııalyq sýbsıdııalaý yqpal etti. Onyń aıasynda fermerlerdiń qazirgi zamanǵy sýarý júıelerin satyp alýǵa, sondaı-aq sýdy alý jáne berý úshin barlyq qajetti ınfraqurylymdy júrgizýge jumsalǵan shyǵyndarynyń 50% óteledi. AShM 2030 jylǵa qaraı qarqyndy sýarý alańyn 750 myń gektarǵa deıin jetkizýdi josparlap otyr.
Aýyl sharýashylyǵy mınıstrligi basshysynyń VODAR kompanııasynyń basshylyǵymen kezdesýi aıasynda ekijaqty qatynastardyń damýyna serpin beretin jol kartasyna qol qoıyldy.
VODAR sýarý júıeleri álemniń 26 eline, sonyń ishinde Avstralııa, Vengrııa, Mońǵolııa, AQSh jáne Reseıge eksporttalady. Kompanııanyń sý únemdeý tehnologııalary óndirisiniń álemdik kóshbasshylarynyń biri bolyp tabylady.