Qazaqstanda ınternet sapasy nashar óńirler belgili boldy

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek elimizde ınternet sapasy nashar óńirlerdi aıtyp berdi, dep habarlaıdy QazAqparat tilshisi.

Onyń aıtýynsha, eń nashar ınternet Shyǵys Qazaqstan jáne Qaraǵandy oblystarynda. Qaraǵandy oblysynda usaq shoqyly jerler bar, sondaı-aq onyń bir bóligi Aqtóbe oblysyn qamtyǵan.

«Bul aýmaqtarda kúrdeli jer bederi bolǵandyqtan, ınternet tartý qıynǵa túsedi. Dál sondaı másele Shyǵys Qazaqstan oblysynda da bar, bul óńirde taýlar arqyly ınternet tartýda kedergiler bolady», - dedi A. Orazbek Májiliste tilshiler saýalyna jaýap bere otyryp.

Osy oraıda ol bul óńirler men shalǵaıdaǵy aýyldarǵa ınternet geostatsıonarly emes spýtnık baılanysy arqyly qamtamasyz etiledi. Bul spýtnıkter sapaly ınternetti shalǵaıdaǵy aýdandarǵa jetkize alady.

Aıta keteıik, búgin Májiliste «QR Ákimshilik quqyq buzýshylyq týraly kodeksine baılanys máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Osy oraıda sapasyz ınternet úshin iri kásipkerlik sýbektilerine ákimshilik aıyppuldardyń mólsherlerin ulǵaıtý arqyly baılanys operatorlarynyń jaýarkershiligin kúsheıtý eskerilgen.