Qazaqstanda ınternet alaıaqtyqtyń qandaı túri keń taraǵan

NUR-SULTAN. QazAqparat – Elimizde ınternet arqyly qandaı alaıaqtyq áreketterdiń jıi jasalatyny belgili boldy, dep habarlaıdy QazAqparat tilshisi.

«Búginde elimizde onlaın saýda platformalary arqyly alaıaqtyq áreketter jıi jasalady. ıAǵnı, taýardyń aqysyn aldyn ala tóleýin suraıdy. Sóıtip, aqsha túsken soń baılanys nómirin óshirip nemese buǵattap tastaıdy. Bıyl 7 aıdyń ishinde onlaın saýda platformalardyń qyzmetine qatysty 4 myńdaı qylmys tirkelip otyr. Internet alaıaqtyqtyń kelesi keń taraǵan túri polıtsııa qyzmetkerleriniń atyn jamylyp turǵyndarǵa habarlasý. Sol arqyly azamattarǵa qatysty jeke málimetterdi bilýge tyrysady», - dedi QR ІІM Krımınaldyq polıtsııa departamenti kıberqylmysqa qarsy kúres ortalyǵynyń basshysy Jandos Súıinbaı «Atameken Business» telearnasyna bergen suhbat barysynda.

Mınıstrlik ókiliniń málimdeýinshe, elimizde ınternet arqyly jalǵan habarlama berip halyqty aldaý da bar. Atalǵan alaıaqtyq áreket ásirese Olx.kz-te jıi baıqalady.

«Internet arqyly belgili bir zattyń satylatynyn aıtyp, sýretin jarııalaıdy. Sodan soń satyp alýshydan tólemdi aldyn ala jasaýyn surap, taýardy jetkizip beretindigine sendiredi. Alaıaq tólem túsken soń ınternettegi habarlamany óshirip tastaıdy. Atalǵan fakti boıynsha bıyl 7 aıda 2 myńdaı qylmys tirkeldi», - deıdi ol.

Buǵan deıin elimizde bıyl 7 aıdyń ishinde 11 myńdaı ınternet qylmystyń jasalǵany týraly habarlaǵan edik.