Qazaqstanda Instagram men TikTok-taǵy zańsyz lotereıalarmen kúres bastaldy

<p>ASTANA. KAZINFORM &ndash; Elimizde lotereıalar oınatýǵa aıryqsha quqyq lotereıa operatoryna jáne onyń agentterine beriledi. Al zańsyz lotereıa uıymdastyrǵany úshin 4 mln teńge aıyppulǵa deıin ákimshilik jaýapkershilik qarastyrylǵan. Bul týraly QR týrızm jáne sport vıtse-mınıstri Mıras Tólebaev aıtyp berdi.</p>

«Búgingi tańda 16 azamat aıyppul tólep, ákimshilik jaýapkershilikke tartyldy. Quqyq buzýshylyq týraly 30 hattama sottyń qaraýyna joldandy, taǵy 35 fakt boıynsha jaýapqa tartý úshin materıaldar jınalýda. Uıymdastyrý boıynsha jaýapqa tartý úshin materıaldar jınalýda», - dedi M. Tólebaev Ortalyq kommýnıkatsııalar qyzmetinde ótken brıfıngte.

Mınıstrlik ınternet-oıynhanalar men zańsyz býkmekerlik saıttardy uıymdastyrýshylardy anyqtaý boıynsha jumys júrgizýde. Búgingi tańda osyndaı 15 resýrstyń 3 uıymdastyrýshysy anyqtaldy, onyń ishinde olarǵa tólem jasaý jáne ekvaırıng qyzmetterin kórsetken jergilikti qarjy uıymdary da bar.

«Olar boıynsha materıaldar Almaty qalasy men basqa óńirlerdiń ekonomıkalyq tergeý departamentterine joldandy», - dedi spıker.

Eske sala ketsek, 8 shildede Memleket basshysy oıyn bıznesi men lotereıa qyzmetin retteý boıynsha jańa zańǵa qol qoıdy. Bul qujat 8 kodeks pen 14 zańnyń normalaryn qozǵaıtyn buryn-sondy bolmaǵan 150 túzetýdi qamtıdy.