Qazaqstanda ınflıatsııa deńgeıi túsýi múmkin - Q.Kelimbetov

ASTANA. QazAqparat - Aldaǵy ýaqytta Qazaqstanda ınflıatsııa deńgeıi túsýi múmkin. Bul týraly búgin Astana ekonomıkalyq forýmynda QR Ulttyq banktiń tóraǵasy Qaırat Kelimbetov málim etti.

«Inflıatsııaǵa keletin bolsaq, aldymyzǵa qoıǵan maqsattar oryndalyp kelgenin kórip otyrmyz. Inflıatsııalyq maqsattarǵa ótkenimen, Reseıde ınflıatsııa deńgeıi 17 paıyzǵa deıin kóterilip ketti. Qazaqstanda osy jyldyń alǵashqy tórt aıynda ınflıatsııa 4,6 paıyzdy qurady. Biz tipti onyń kólemi taǵyda túsedi dep kútip otyrmyz», - dep atap ótti ol.

Mundaı boljam jasaýǵa Reseıdegi ekonomıkalyq ahýaldyń turaqtala bastaýy men álemdegi munaı baǵasynyń ornyǵýy múmkindik berip otyr.

«Biz qazir kórip otyrmyz, ınflıatsııa deńgeıi tómendep keledi. 2017-2018 jyldary Reseı ekonomıkasy turaqty bolatyny boljanýda. Sonymen qatar biz aldaǵy jyldary munaı baǵasynyń kúrt aýytqýy bolmaıdy dep esepteımiz», - dedi Q.Kelimbetov.

Ulttyq bank basshysynyń oıynsha, elde ınflıatsııany 4-5 paıyz kóleminde ustap turý qajet.

«Biz ekonomıkalyq maqsat-múddelerimizdiń oryndalatynyna senimmen qaraımyz. JІÓ kólemi tómendegenimen, bizde 2016-2017 jyldary turaqty ósý bolady», - dep túıdi oıyn Q.Kelimbetov.