Qazaqstanda HQKO-lardyń jumys ýaqyty qysqarady

NUR-SULTAN. QazAqparat – Ashyq normatıvtik-quqyqtyq aktiler portalynda QR Tsıfrlyq damý, ınnovatsııalar jáne aeroǵarysh ónerkásibi mınıstriniń Halyqqa qyzmet kórsetý ortalyqtarynyń jumys kestesine ózgeris engizýdi kózdegen buıryǵynyń jobasy jarııalandy, dep habarlaıdy QazAqparat tilshisi.

Jańa ózgeristerde jumys kestesi kelesideı kórsetilgen: dúısenbiden bastap jumany qosa alǵanda, úzilissiz saǵat 9.00-den 18.00-ge deıin; kezekshi bólimder dúısenbiden bastap jumany qosa alǵanda, saǵat 9.00-den 20.00-ge deıin jáne senbi kúni saǵat 9.00-den 13.00-ge deıin.

Qajet bolǵan jaǵdaıda ótinishterdi qabyldaý jáne memlekettik kórsetiletin qyzmetterdiń daıyn nátıjelerin berý: dúısenbiden bastap jumany qosa alǵanda, saǵat 18.00-den 20.00-ge deıin jáne senbi kúni saǵat 9.00-den 13.00-ge deıin júzege asyrylady.

Vedomstvonyń jumys kestesin qysqartý jáne HQKO-nyń kezekshi bólimderin engizýdiń arqasynda bıýdjet únemdeletindigi atap ótiledi.

Mınıstrlik málimetinshe, 2021 jylǵy qańtar aıyndaǵy jaǵdaıǵa sáıkes Qazaqstan Respýblıkasy boıynsha halyqqa qyzmet kórsetý bólimderi qyzmetkerleriniń shtat sany 8 967 adam boldy. Búgingi tańda operatorlardyń shtattyq sany – 8 379,5 birlikti, al naqty sany 7 062,5 birlikti quraıdy.

«Memlekettik korporatsııa qyzmetkerleriniń sanyn 30 paıyzǵa qysqartý josparlanyp otyr. Osyǵan baılanysty, eki aýysymdy jumys kestesine (saǵat 9:00-den 18:00-ge deıin jáne saǵat 11.00-den 20.00-ge deıin) kóshýdi orynsyz dep sanaımyz. Іs júzinde 9:00-den 18:00-ge deıin jumys kestesine aýysý oń dınamıkany kórsetip otyr. Atalǵan ózgeris qyzmetkerlerdi bir aýysymdyq jumys kestesine aýystyrýǵa jáne kesimdi jalaqy tóleý júıesin engizýge, nátıjesinde qyzmetkerlerdiń joǵary jumys qabilettiligin qamtamasyz etýge múmkindik beredi», - dep atap ótedi vedomstvodan.