Qazaqstanda halyqtyń 70% jýyǵy jumyspen qamtylǵan - statıstıka

ASTANA. QazAqparat - 2021 jyly 15 jáne odan joǵary jastaǵy jumys kúshiniń sany 9,3 mln adamdy qurady. Bul halyqtyń jalpy sanynyń 69,3% (2020 jyly – 69,2%) qurady, dep habarlaıdy QazAqparat Ulttyq statıstıka bıýrosyna silteme jasap.

Ondaǵy málimetterge qaraǵanda, bir jyl buryn atalǵan kórsetkish 100 myńǵa kem bolǵan (2020 jyly – 9,2 mln. adam). Ekonomıkanyń túrli salalarynda 8,8 mln adam jumyspen qamtylǵan, onyń ishinde 4,2 mln adam nemese 48,3% – áıelder (2020 jyly – 48,2%).

Jumyspen qamtylǵan halyq qurylymynyń basym bóligin jaldamaly jumyskerler quraıdy – 6,7 mln adam nemese jumyspen qamtylǵandardyń jalpy sanynyń 76,2%, óz betinshe jumyspen qamtylǵandar 2,1 mln adam nemese 23,8%.

«Bul rette, eger jaldamaly jumyskerler sanynda genderlik teńdik baıqalsa (50,9% – erler, 49,1% – áıelder), óz betinshe jumyspen qamtylǵandar arasynda áıeldermen 45,6% salystyrǵanda erlerdiń úlesi sál joǵary – 54,4%»,,-delingen habarlamada.