Qazaqstanda halyqqa qyzmet kórsetýdiń jańa tásili paıda boldy
«Bıometrııa - Halyqqa qyzmet kórsetý ortalyqtary men egov.kz portalynda adamnyń keskini men saýsaq izderin sáıkestendirý arqyly qyzmet kórsetýge kózdelgen pılottyq joba», - dep jazdy «Azamattarǵa arnalǵan úkimet» memlekettik korporatsııasynyń qoǵammen baılanys departamentiniń basshysy Murat Jumanbaı óziniń Facebook paraqshasynda.
Onyń aıtýynsha, endigi ýaqytta qazaqstandyqtarǵa elektrondy tsıfrlyq qoltańbany ózimen birge alyp júrýdiń qajeti joq.
«Adam keskini men saýsaq izderi arqyly halyqqa qyzmet kórsetý ortalyqtarynyń bazalyq aqparattyq júıesinde 2 qyzmet túrin ala alady. Onyń biri mekenjaı anyqtamasy, ekinshisi jyljymaıtyn múliktiń joqtyǵyn rastaıtyn anyqtama», - deıdi ol.
Qazirgi ýaqytta atalǵan jańa qyzmet túri Nur-Sultan, Almaty, Qyzylorda qalalarynda qoljetimdi.
Departament basshysynyń deregine súıensek, búginde bıometrııalyq qyzmetter bazasyna 14 299 adam tirkelgen.