Qazaqstanda halyqaralyq deńgeıdegi pedagog mamandar daıarlanady

NUR-SULTAN. QazAqparat – Elimizde alǵash ret halyqaralyq talapqa saı keletin pedagog mamandar daıarlanady. Bul týraly QR Premer-mınıstriniń orynbasary Eraly Toǵjanov málim etti, dep habarlaıdy QazAqparat tilshisi.

«Jańa oqý jylynan bastap elimizdiń oqý oryndary bazasynda Máskeý ınjenerlik-fızıkalyq ınstıtýty, Gýbkın atyndaǵy reseı munaı jáne gaz ınstıtýty stýdentter qabyldap jatyr. Qazirgi tańda ǵylym jáne joǵary bilim mınıstriligi Mıchıgan memlekettik ýnıversıtetimen birge Nur-Sultan qalasynda jeke menshik ýnıversıtet qurý jumystaryn júrgizýde. Atalǵan ýnıversıtet bazasynda elimizde alǵash ret halyqaralyq deńgeıde pedogog mamandar daıarlanatyn bolady», - dedi Eraly Toǵjanov elordada ótip jatqan «Adamı kapıtal – jańa Qazaqstan damýynyń negizgi resýrsy» atty ǵylym jáne joǵary bilim forýmynda.

Úkimet basshysy orynbasarynyń málimdeýinshe, úzdik ýnıversıtetterdi elimizge tartý – bul jastardy bilim alý úshin elimizde qaldyrýdyń, jas mamandardyń shetelderge ketýin tejeýdiń tıimdi tásili.

«Sondyqtan bul baǵyttaǵy jumys munymen shektelmeýi tıis. Barlyq rektorlar, onyń ishinde jeke menshik joǵary oqý oryndary álemdik úzdik ýnıversıtettermen birlese maman daıarlaý boıynsha bastamalardy pysyqtaýy qajet. Basty mindet - bilim sapasyn halyqaralyq deńgeıge kóterý», - deıdi ol.

Buǵan deıin bıyl SQO-da túlekterdiń 64% otandyq oqý oryndaryn tańdaǵany týraly habarlaǵan edik.