Qazaqstanda halyqaralyq áskerı olımpıada bastaldy

QARAǴANDY. QazAqparat - Qaraǵandy memlekettik ýnıversıtetiniń bazasyndaǵy Radıoelektronıka áskerı-ınjenerlik ınstıtýty TMD joǵary áskerı bilim berý uıymdary kýrsanttarynyń arasynda matematıkadan V Halyqaralyq olımpıadany ótkizip jatyr, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Olımpıadaǵa Armenııa, Belarýs, Qazaqstan, Qyrǵyzstan, Reseı, Tájikstan, Ózbekstan elderinen kelgen komandalar qatysyp jatyr.

«Qazaqstan Respýblıkasynyń qorǵanys mınıstri N. Ermekbaevtyń tikeleı basshylyǵynda búginde áskerı oqý oryndary sapaly ofıtserler quramyn daıarlaýǵa basa jiti mán berip keledi. Mundaı sharalar halyqaralyq senimdi nyǵaıtyp, TM-ǵa qatysýshy memleketterdiń áskerı joǵary oqý oryndary arasyndaǵy dostyqty nyǵaıtýǵa, tájirbe almasýǵa septigin tıgizedi», - deıdi kadrlar jáne áskerı bilim berý departamentiniń bastyǵy general-maıor R. Kópbaev.

Olımpıada 4 týr boıynsha ótkiziledi. Ótken eki týrdyń qorytyndysy boıynsha Qazaqstan komandasy kósh basynda keledi. Ekinshi orynda Reseı, úzdikter úshtigin Ózbekstan komandasy túıindep tur.

Aıta keteıik, TMD joǵary áskerı bilim berý uıymdary kýrsanttarynyń arasyndaǵy matematıka halyqaralyq olımpıadasy 2014 jyldan beri ótkiziledi.

Olımpıadanyń jabylý rásimi 25 sáýir kúni bolady.