Qazaqstanda halyqaralyq júrgizýshi kýáligi beriledi

<p>ASTANA. KAZINFORM &ndash; Elimizde kólik júrgizýshilerine halyqaralyq kýáligi berile bastaıdy. Bul týraly Іshki ister mınıstrliginiń baspasóz qyzmeti málimdedi.</p>

«Qazaqstan Respýblıkasynyń ulttyq júrgizýshi kýáligi jol qozǵalysy týraly konventsııaǵa qol qoıǵan elderde jaramdy (Vena, 1968 jyl). Qazirgi ýaqytta bul 80-nen astam el. Sondaı-aq, ulttyq júrgizýshi kýáligi Japonııa men Úndistanda jaramdy. Óıtkeni bul elder BUU konventsııasynyń quramyna kiredi», - delingen habarlamada.

Aqparatta aıtylǵandaı, AQSh-ta qazaqstandyq júrgizýshi kýáligi jaramsyz, sondyqtan kólik quraldaryn basqarý atalǵan eldiń zańnamasyna sáıkes júzege asyrylady.

«Jol qozǵalysy salasyndaǵy normatıvtik quqyqtyq aktilerge sáıkes halyqaralyq júrgizýshi kýálikterin berý kózdelgen. Halyq arasynda paıda bolǵan suranysty eskere otyryp, qazaqstandyq quqyqtar álem elderiniń jartysynda tanylǵanyna qaramastan, Іshki ister mınıstrligi halyqaralyq júrgizýshi kýáligin berý boıynsha memlekettik qyzmetti iske qosý boıynsha jumys júrgizýde. Jumystardyń aıaqtaý bıylǵa josparlanǵan», - deıdi mınıstrlikten.

Sondaı-aq ІІM málimetinshe memlekettik organnyń halyqaralyq júrgizýshi kýáliginiń berilgen sany týraly aqparat joq.