Qazaqstanda ǵylymı zertteý nátıjesin óndiriske engizýge deıingi protsess tolyq baqylanbaq
«Búgingi tańda óndiristiń ınnovatsııalyq damýynyń jáne ekonomıkanyń básekege qabilettiliginiń ósýiniń zor faktory retinde ǵylymnyń rólin túsingen jón. Senatta ındýstrııalyq-ınnovatsııalyq negizde óndiristi ártaraptandyrý mindetterin jobalaýda ǵylym men ǵylymı-zertteý jáne tájirıbelik-konstrýktorlyq jumystardyń damýyna baılanysty qandaı da bir dárejede zań jobalary birneshe ret qaraldy. Bul rette ǵylym men óndiristi ıntegratsııalaýdyń negizgi quraly retinde ulttyq ınnovatsııalyq júıeni (UIJ) tolyqqandy qalyptastyrýdyń kúrdeli máseleleri kóterildi», - dedi zań jobasyn oqyǵan senator Edil Mamytbekov.
Onyń aıtýynsha zań jobasy arqyly ǵylymı-zertteý ınstıtýttary, joǵary oqý oryndary, ınnovatsııalyq qorlar, ınjenerlik zerthanalar, tehnoparkter, kommertsııalandyrý keńseleri men basqa da qurylymdar arasyndaǵy damý teńgerimsizdigin joıý kózdelgen. Budan basqa, ǵylymnyń akademııalyq, joǵary oqý oryndary men salalyq tarmaqtaryn tıisti úılestirýdi jolǵa qoıý bóliginde túzetýler engiziledi. Bul qarjylandyrýdan bastap ǵylymı zertteýlerdiń nátıjelerin óndiriske engizýge deıingi protseske tolyqqandy monıtorıng júrgizýge múmkindik beredi.