Qazaqstanda ǵylymdy qarjylandyrý 70%-ǵa artty

ASTANA. QazAqparat – Otandyq ǵylym salasynda konkýrstar men granttardyń jańa túrleri engizildi. Bul týraly QR Ǵylym jáne joǵary bilim mınıstrligi ǵylym komıtetiniń tóraǵasy Darhan Ahmed-Zakı málim etti, dep habarlaıdy QazAqparat tilshisi.

«Sońǵy úsh jylda ǵylymdy qarjylandyrý 70%-ǵa ósti. Eger buryn granttyq jáne nysanaly qarjylandyrýǵa arnalǵan konkýrstar úsh jylda bir ret jarııalansa, endi konkýrstar jyl saıyn ótkiziledi. Granttardyń jańa túrleri engizildi. Atap aıtaqanda, jas ǵalymdarǵa, kollaboratsııaǵa, qysqa merzimdi, jeke granttar degen sekildi. Nysanaly qarjylandyrý naqty ǵylymı-tehnıkalyq mindetterdi sheshýge ǵana bólinedi», - dedi Darhan Ahmed-Zakı Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, ǵylym komıtetiniń basshysy ulttyq keńester jumysyna úlken syn bolǵanyn aıtty.

«Ulttyq keńeste sheshimder jasyryn túrde, jabyq qabyldanyp keldi. Osy oraıda qazirgi tańda ulttyq ǵylymı keńester jumysynyń formaty ózgerdi. Jetekshi ǵalymdar naýkometrııa negizinde tańdalyp, keńes quramy 85%-ǵa jańartyldy. Keńes otyrystary onlaın formatta naqty krıterııler arqyly jobalardy qarjylandyrý boıynsha ashyq daýys berý júıesi engizildi»,- deıdi ol.