Qazaqstanda gıper aýqymdaǵy data-ortalyqtar salynady

<p>2027 jyly Qazaqstanda gıper aýqymdaǵy derekter óńdep, saqtaıtyn ortalyqtar salynady. Tsıfrlyq damý, ınnovatsııalar jáne aeroǵarysh ónerkásibi mınıstrliginiń redaktsııa saýalyna joldaǵan jaýabynda osyndaı málimet keltirilgen, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Sondaı-aq derekterdi óńdeý jáne «bultty tehnologııalar» naryǵyn damytý úshin «Qoljetimdi ınternet» ulttyq jobasynyń aıasynda 2027 jylǵa deıin 3 gıper aýqymdaǵy (1000 server jáshigi sııatyn) ortalyq salý josparlanǵan. Ol ortalyqtar halyqaralyq naryqtyń suranysyn qanaǵattandyrý úshin tranzıt derekterin óńdep, saqtaıdy. Onyń ishinde Eýropa men Shyǵys Azııa arasyndaǵy trafık derekteri de bar», – delingen jaýapta.

Vedomstvonyń málimetinshe, «Ulttyq aqparattyq tehnologııalar» aktsıonerlik qoǵamy Amazon Web Services kompanııasymen osy baǵytta jumys istep jatyr. Eki tarap tıisti memorandýmǵa qol qoıǵan.

Osy áriptestik aıasynda Qazaqstan tarabynyń mamandary Amazon Web Services kompanııasynyń Eýropadaǵy keńsesine baryp, Outposts tehnologııasymen tanysyp qaıtqan. Qazir qazaqstandyq mamandar jobanyń tehnıkalyq mán-jaıyn jáne baǵa belgileý tetikterin zerttep jatyr.