Qazaqstanda GGG-diń jolyn qýatyn kim bar - Golovkınniń promoýteriniń pikiri

NUR-SULTAN. QazAqparat – GGG/360 Promotions kompanııasynyń basqarýshy dırektory Tom Leffler Gennadıı Golovkınniń óz promoýshenin damytý boıynsha josparlary týraly aıtty jáne taǵy bir Qazaqstan ókili Alı Ahmedovtiń bolashaǵy týraly pikir bildirdi, dep jazady Sports.kz.

Ahmedov GGG Promotions klıenti jáne Golovkınmen bir komandada jattyǵady.

«Gennadıı GGG Promotions-ke basqa da boksshylardy alǵysy keledi. Onda GGG Promotions-ke jazylǵan Alı Ahmedov bar. Alı – úlken daryn ıesi. Ol Djonaton Benkspen jáne Gennadıımen jattyǵyp júr. Eger Golovkın GGG Promotions-ke jańa boksshylardy alǵysy kelse, úlken tabysqa qol jetkizedi. Sebebi, boksshylar Gennadııdiń jetistigin qurmetteıdi.

Álı álem chempıony ataǵyna kóp ýaqyt ótpeı-aq qol jetkizedi dep oılaımyn. Onyń qarqyny jaqsy jáne Djonatonnyń qolastynda biraz dúnıe úırendi. Oǵan jańa qarsylastar kerek», - dedi Leffler Under the Hand Wraps-ke bergen suhbatynda.